مقالات منوعة

طرق التخسيس والتخلص من الوزن الزائد مع الرجيم

طرق التخسيس التخلص من الوزن الزائد مع الرجيم

عادات للتخلص من الوزن الزائد مع الرجيم والتخسيس كتير من البنات من اللي عايزين يخسسوا وزنهم بيمشوا على انظمة غذائية ورجيمات وبعد فترة يلاقوا ان وزنهم منزلش او نزل حاجة بسيطة جدا والنتيجة مش مرضية بالنسبة لهم, وده بيكون سببه اننا بنعمل حاجات غلط بتخلي الرجيم ميجبش النتيجة اللي احنا متوقعينها.  وعشان تخسي وفي نفس الوقت يكون بشكل صحي يعني ميأثرش عليكي وتلاقي نفسك بعد الرجيم وشك اصفر وباهت يبقى لازم نركز على زيادة نسبة التمثيل الغذائي في الجسم وده اللي مسئول عن نقص الوزن واللي بيزود خلايا الجسم بالطاقة والمواد الغذائية, واي خلل في التمثيل الغذائي بيسبب زيادة الوزن.
عشان كده احنا النهاردة من خلال وقعنا وموقعكم موقع صور ميكس هنقول لكل البنات اللي عايزين يخسسوا وزنهم على 11 عادة لو مشيتوا عليهم هيسرعوا من عملية التمثيل الغذائي اللي هتخليكو تخسو وفي نفس الوقت تحافظوا على صحكتم.

تحديد وقت منظم للوجبات
تحديد وقت منظم للوجبات

مواعيد الوجبات الثابتة 

الجسم ذكي جدا وبينظم نفسه على الوجبات اللي بتوصله, يعني لو انتي بتاكلي في مواعيد محددة الجسم ساعتها بيستنفذ كل الطاقة على ميعاد الاكل اللي هو اتظبط عليه لانه عارف انه داخلة اكل وطاقة تاني هتعوض, لكن لو بتاكلي في مواعيد مش منتظمة فالجسم ساعتها هيخزن الطاقة بدل ما يستخدمها لانه مش عارفة ميعاد الوجبة اللي هتدخله هتكون امتى وبالتالي ده بيخلي عملية التمثيل الغذائي والحرق ابطأ والوزن بيزيد, عشان كده الافضل ان الجسم يدخله اكل او طاقة كل 3 او 4 ساعات بشكل منتظم كل يوم لان ده بيساعد الجسم على استخدام كل الطاقة.

تحديد وقت منظم للوجبات
تحديد وقت منظم للوجبات

شرب الكثير من السوائل

شرب كمية كافية من السوايل بيساعد ان عملية التمثيل الغذائي تمشي بشكل مظبوط, لكن لما الجسم بيتحرم من المية او مش بيوصله كمية سوايل كفاية ده بيخلي الجسم يحرق سعرات حرارية اقل, والمية هتساعد ان الكبد يشتغل بشكل كويس وبالتالي ده هيساعد على حرق الدهون بشكل اكبر لان الكبد لو موصلتلوش كميه مياة كفاية هيبقى بيدور على احتياجه للمياة ومش هيقوم بوظيفتة حرق الدهون, عشان كده لازم نشرب كمية كافية من المية يوميا بالاضافة للمشروبات التانية زي الشاي الاخضر مثلا او اي نوع اعشاب يعوض احتياج الجسم للمية

شرب السوايل واحدمن عوامل التخسيس
شرب السوايل واحدمن عوامل التخسيس

شرب اللبن

اللبن من الحاجات المفيدة والمهمة جدا اللي بتمد الجسم بالعناصر الغذائية اللي بتساعد على حرق الدهون وبناء العضلات , زي الكالسيوم مثلا ليه دور كبير جدا في عملية التمثيل الغذائي وبالتالي لما نزود من الكالسيوم ده هيساعد على حرق الدهون بكميات اكبر .

اهميه شرب اللبن ف التخسيس
اهميه شرب اللبن ف التخسيس

يجب ان يكون الجسم نشيط دائما

حافظي على جسمك دايما في حالة نشاط بانك تمارسي اي نوع من النشاط الجسدي زي الجري, المشي, الرقص زي رقصة الزومبا مثلا, او ممارسة اي نوع رياضة, لان ده هيخلي عملية التمثيل الغذائي تشتغل اسرع, ده غير انها بتعزز او بتزود نمو الانسجة العضلية بشكل اسرع, لان عضلاتنا بتحتاج طاقة حتى واحنا مش بنعمل حاجة عشان كده من احسن الطرق اللي بتسرع عملية التمثيل الغذائي هي ممارسة التمارين الرياضية بشكل منتظم ويومي .

اهميه الرياضه
اهميه الرياضه

الاستيقاظ مبكرا

اشعة الشمس ليها دور كبير في عملية التمثيل الغذائي , لان الشمس بتساعد على تنظيم العملية البيولوجية في الجسم اللي بتعتمد على تغيير الليل والنهار وده ليه دور في استهلاك الطاقة اللي في الجسم

الاستيقاظ مبكراا من عوامل الحفاظ علي رشاقه الجسم
الاستيقاظ مبكراا من عوامل الحفاظ علي رشاقه الجسم

الحصول على الكربوهيدرات بشكل كلي

طبعا الكربوهيدرات او النشويات دي من العناصر اللي بتتحول في الجسم لسكر وبتزود الوزن لكن مش معنى اننا عايزين نخس اننا نمنعها خالص من نظامنا الغذائي بشكل كلي لان لازم نسبة من الكربوهيدرات تدخل للجسم عشان تحافظ على السيروتونين وده موجود في الجهاز العصبي وبيسموه هرمون السعادة لانه بيعدل المزاج وبيمنع الاكتئاب عشان كده لازم نحافظ على مستويات الكربوهيدرات عشان نحافظ على الهرمون ده مظبوط في الجسم, ومنع الكربوهيدرات ممكن يكون ليه تأثير سلبي على نشاط المخ وده ممكن يسبب ارهاق للجسم بشكل عام

تنظيم كميات الكربوهيدرات داخل الجسم
تنظيم كميات الكربوهيدرات داخل الجسم

 منع الوجبات الخفيفة

لو انتي من المدمنين على الشيبسي والسناكس والحلويات يبقى لازم تمنعيها فورا لان الحاجات دي بتبطأ من عملية التمثيل الغذائي , لان الطبيعي ان الطاقة اللي الجسم بياخدها من الاكل بتستمر من 3 لــ 4 ساعات وبعدها بيبدأ الجسم يستهلك الطاقة عن طريق حرق الدهون, لكن لما تاكلي وجبات خفيفة وسناكس ده هيخلي الجسم ميحرقش الدهون وبالتالي الوزن هيزيد بشكل كبير.

توقفي عن تناول السناكس والحلويات
توقفي عن تناول السناكس والحلويات

المحافظة على مستوى الحديد فى الجسم

نقص الحديد في الجسم بيسبب نقص الاكسجين في العضلات وده بيأثر بشكل سلبي على الصحة كلها عموما , عشان كده لازم تدخلي الحديد في نظامك الغذائي, ومن افضل مصادر الحديد هي اللحوم الحمرا الخالية من الدهون, الكبدة, والاسماك, الخضار الورقي اللي لونه اخضر غامق زي السبانخ والخرشوف, والفاكهة المجففة زي الزبيب والخوخ, التفاح, الفاصوليا, الحمص, العدس, المكسرات, الشوفان, البنجر, العسل الاسود.

عنصر الحديدمن اهمم العناصر ف الجسم
عنصر الحديدمن اهمم العناصر ف الجسم

الابتعاد عن التوتر والاجهاد

معظم مشاكل التمثيل الغذائي بتيجي من اننا مش بنعرف نتعامل مع التوتر والاجهاد, لاننا لما بنكون مجهدين ده بيبطأ من عمل الغدة الدرقية وده هيقلل من التمثيل الغذائي في الجسم وبالتالي ده هيأدي لزيادة الوزن, عشان كده نحاول على قد ما نقدر نبعد عن التوتر والاجهاد الزيادة, يعني ممكن تجربي تمارسي يوجا مثلا بتساعد جدا على تصفية الذهن والتخلص من الاجهاد وخسارة الوزن.

البعد عن مسببات التوتر والاجهاد
البعد عن مسببات التوتر والاجهاد

كلمات البحث:

طرق للتخسيس,وصفات للتخسيس,عادات تساعد علي التخلص من الوزن

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى